24-қазан күні парк мамандары, нақтырақ айтсақ, ҒЗЖ және ТАБӘ бөлімінің басшысы Усербаева С.А., ОҚМҚК бөлімінің басшысы Мұхаметжанова Р. О., ЭАжТ бөлімінің эколог ағартушысы Абилова С. ҚазҰАЗУ-да болып, “Орманды өсіру және молықтыру” пәні бойынша Орман шаруашылығы мамандығының 4-курс студенттеріне ашық сабақ өткізді. Студенттер ашық сабақ кезінде паркіміз жайлы ақпаратқа қанықты. Сонымен қатар, әр бөлімде атқарылатын жұмыс легімен танысып, өз болашақтарын қызметкер ретінде айқындауға мүмкіндік алды. Студенттердің оқыған теориялық білімдерін нақты практикамен байланыстыра алатынын парк мамандары дәлелдей отырып, алда кәсіби байланыстар орнатуға шақырды. Студенттер парк қызметкерлерінің түрлі мәселелерді қалай шешетінін, парктің экожүйесін қорғау және дамыту шараларын қалай ұйымдастыратынын білді. Осындай ашық сабақтар студенттердің білімін тереңдетіп, өз саласына деген қызығушылығын арттырады.